Նախորդ տարվա հոկտեմբերի 8-ին ամուսնացած Մանե Գրիգորյանը` Արթուր Գրիգորյանի դուստրը, արդեն մայրիկ է դարձել: Օգոստոսի 22-ին ծնվել է նախկին հաղորդավարուհու և դատավորի առաջնեկը, ում անունը Մանեն և ամուսինը Կարինա են դրել:

Փոքրիկի քաշը 3.5 կգ է, հասակը` 52 սմ, աչքերը` մոխրագույն են: Մանեն դժվարացավ ասել, ու՞մ է ավելի նման Կարինան. «Եվ ինձ է նման, և ամուսնուս, բայց ավելի շատ ինքն իրեն է նման»,- ասաց նախկին հաղորդավարուհին: Իսկ ահա Արթուր Գրիգորյանն այլ կարծիք ունի թոռնուհու արտաքինի մասին. «Ինձ նման չէ, ավելի շատ իր մայրիկին է նման»,- ասաց երգահանը:

Որպես պապիկ Արթուր Գրիգորիչը դժվարացավ խոսել իր էմոցիաների մասին. «Բոլորովին նոր ու անծանոթ զգացմունքներ ունեմ, չեմ կարող բնութագրել»:

Նորաթուխ մայրիկ Մանեն էլ ասաց, որ Կարինան մեծ երջանկություն է բերել իրենց ընտանիք:

«Ես»-ի անձնակազմը շնորհավորում է զույգին և միանում բոլոր բարեմաղթանքներին:)

Այսօր և սեպտեմբերի 8-ին “The Beautified Project”-ը հանդես կգա համերգներով, որից հետո 6 ամիս ոչ մի համերգ չի ունենալու, քանի որ խմբի տղաները զբաղվելու են 3-րդ ձայնասկավառակի ձայնագրմամբ:

“The Beautified Project”-ի տղաները պայմանագիր են կնքել ամերիկյան “St. Mongoose Entertainment” ձայնագրման ստուդիայի հետ և ալբոմն իրացվելու է ԱՄՆ-ում:

«Առաջին անգամն է, որ հայկական ռոք խմբի ալբոմն օֆիցիալ իրացվելու է ամերիկյան շուկայում: Փորձում ենք այնպես աշխատել որ կարողանանք դիմանալ այդ շուկայում»,- «Ես»-ին ասաց խմբի վոկալիստ Անդրեն և հավելեց, որ ալբոմի երգերից 4-5-ն արդեն հնչել են տարբեր համերգների ժամանակ և հասցրել են սիրվել, մյուս երգերը նոր պետք է ձայնագրվեն:

Անդրեն նշեց, որ ալբոմը ծանր ռոք ոճում է լինելու: «Մենք ալտերնատիվ ռոք ենք ներկայացնում և պահպանելու ենք մեր ձեռագիրը: Կարող եմ ասել, որ տեմպի առումով այս ալբոմն ավելի արագ է լինելու: Մոդեռն ռոք ենք ներկայացնելու, որն այսօր շատ են լսո ... Կարդալ ամբողջը