Ավետ Բարսեղյանն ընկերուհի՞ ունի - 4 Сентября 2012

Գլխավոր Էջ » » Ավետ Բարսեղյանն ընկերուհի՞ ունի

19:01 Ավետ Բարսեղյանն ընկերուհի՞ ունի
Վերջերս լուրեր են շրջանառվում, որ Ավետ Բարսեղյանը լքել է ամուրիների ցանկն ու ընկերուհի ունի, իսկ ընտրյալը՝ «Հայ Սուպերսթար 5»-ի հաղթող Սոնա Ռուբենյանն է: Ընթերցողներն էլ մեզ անընդհատ խնդրում էին պարզել լուրի իսկությունը: Թերևս Գարիկի և Մարիաննայի հարսանիքից հանկարծակիի գալն է պատճառը, որ հասարակությունը փորձում է հնարավոր ու անհնար բոլոր ճանապարհներով իրար կապել հայտնի մարդկանց անուններն ու նախապես իմանալ նրանց կապի մասին: «Ու՞ր են հասել հայերը,- հռետորական հարցով ինձ դիմեց հաղորդավարը: – Իհարկե նման բան չկա: Ես և Սոնան շատ լավ հարաբերություններ ունենք, բայց ծիծաղելի է խոսել, որ մենք միասին ենք»: Բամբասանքը տարածողներին Ավետը կոչ արեց ուշադրություն դարձնել իր տարիքին. «Ես 32 տարեկան եմ, Սոնան դեռ երեխա է, ինչպե՞ս կարող են մեր անուններն իրար կապել»: Սոնա Ռուբենյանը ևս մատնանշեց իրենց տարիքային տարբերությունը, երբ լսեց լուրի մասին. «Երբ ես Երգի պետական թատրոն էի գնում, 5 տարեկան էի: Ավետն էլ էր այն ժամանակ Երգի թատրոնում սովորում ու արդեն 20-21 տարեկան էր: Պատկերացնու՞մ եք մեր տարիքային տարբերությունը: Մեր շփումը զուտ գործնական է եղել՝ «Սուպերսթարի» կամ ինչ-որ համերգային ծրագրի շրջանակներում»,- ասաց աղջիկն, ով իրեն շատ վատ զգաց նման լուրերի տարածման պատճառով: Ո՛չ Սոնան, ո՛չ Ավետը չկարողացան հասկանալ, ինչի՞ց են սկսվել նման խոսակցությունները, քանի որ իրենք նույնիսկ ընկերներ չեն, որ իրենց միասին տեսած լինեին և նման ենթադրություններ անեին:
1 2 3 4 5 Կատեգորիա: show բիզնես \| Դիտումներ: 296 \| Ավելացրել է `: admin \| Գնահատական: 0.0/0