Գլխավոր Էջ » 2012 » Օգօստօս » 28 » Ովքե՞ր են Սուրեն Առուստամյանի ֆավորիտները
23:48 Ովքե՞ր են Սուրեն Առուստամյանի ֆավորիտները |
Երգիչ Սուրեն Առուստամյանը բավականին հետաքրքիր երաժշտական ճաշակ ունի: «Կիթառով տղան» նշեց, որ հնգյակին առանձնացնելիս հեշտ է կողմնորոշվել, սակայն ֆավորիտներ շատ ունի, ովքեր դուրս մնացին, օրինակ Սթիվի Ուանդերը, Մայքլ Ջեքսոնը: Այնուամենայնիվ Սուրենը փորձել է առանձնացնել նրանց, ում երաժշտությունն իրեն ավելի հոգեհարազատ է:
Սուրենն առաջինն առանձնացրեց Էրիկ Կլեպտնին, քանի որ իր անցած երաժշտական դպրոցը նրանով է սկսվել: «Դեռ մանկուց լսել եմ Կլեպտոնի երգերը, փորձել եմ նվագել այն, ինչ ինքը: Նրա բոլոր երգերում սովորելու բան կա: Ինձ համար հատկապես առանձնահատուկ է «Լեյլա»-ն»:
Հաջորդը Ջո Կոկերն է: Սուրենին դուր է գալիս նրա ոճն ու կերպարը: «Ջո Կոկերը կարող է փոփոխական լինել. ռոմանտիկ, միևնույն ժամանակ` ագրեսիվ: Ընդգծված տղամարդկային կերպար է երաժշտության մեջ»:
Սուրեն Առուստամյանը շատ է սիրում Ռեյ Չարլզին: «Նրա ստեղծագործություններն ինձ հատկապես օգնում են այն ժամանակ, երբ փորձում եմ երաժշտություն գրել` կարողանում է ոգեշնչել ինձ»:
Ավելի երիտասարդ կատարողներից երգիչը նշեց Ռոբբի Ուիլյամսի անունը:
Ժամանակակից խմբերից` Maroon 5–ին: «Հետաքրքիր երաժշտական ուղղվածություն ունի` փոփ-ռոք: Այս խումբը դասական ավանդները կարողանում է նորովի ներկայացնել` հնչողության և երաժշտության առումով, ինչն ինձ շատ է դուր գալիս»,- նշեց Սուրենը:
Նրանք էին Սուրեն Առուստամյանի ֆավորիտները: Ի դեպ, երգիչը նշեց, որ զրույցից հետո հաճույքով կլսեր Radiohed-Creep-ի երգերից կամ կամ Ռոբբի Ուիլյամսի “Angels” ստեղծագործությունը:
Հ.Գ. Կարծում ենք, նրա ֆավորիտների հնգյակը ուսուցողական կարող է լինել այն երիտասարդների համար, ովքեր չեն կողմնորոշվում ինչ լսել, կամ երաժշտություն ասելով հասկանում են ռաբիս ժանրը: |
|
Կատեգորիա: show բիզնես |
Դիտումներ: 298 |
Ավելացրել է `: admin
| Գնահատական: 0.0/0 |
| Ընդհանուր մեկնաբանություններ: 0 | |
|
|
|
|
|
|
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել meroncov.do.am-ի խմբագրության տեսակետների հետ: